زندگی اللہ تعالیٰ کی عطا کردہ ایک عظیم نعمت ہے۔ اور اس کا مقصد صرف کھانا، پینا اور دنیاوی خواہشات کی تکمیل نہیں۔ بلکہ ایک ایسی زندگی گزارنا ہے جو دنیا اور آخرت دونوں میں کامیابی کا باعث بنے۔ زندگی کا سفر خوبصورت تب بنتا ہے جب ہم اسے ایک مقصد کے تحت جیتے ہیں۔ ایک بامقصد زندگی ہمیں راستے اور منزل کا شعور دیتی ہے۔ ہماری ترجیحات کو واضح کرتی ہے۔ اور ہمیں ترقی کی راہ پر گامزن رکھتی ہے۔ خاص طور پر ازدواجی زندگی میں مقصدیت کا ہونا رشتوں کو مضبوط اور خوشگوار بناتا ہے۔ 

زندگی کا سفر بامقصد بنانے کے سنہری اصول 

ہر انسان کو زندگی میں بے شمار مواقع، مشکلات اور تجربات کا سامنا کرنا پڑتا ہے۔  لیکن زندگی کا سفر حقیقی معنوں میں خوبصورت اور کامیاب تب بنتا ہے۔ جب ہم اسے ایک واضح مقصد اور سمت کے ساتھ گزاریں۔ بامقصد زندگی نہ صرف ہماری ذاتی ترقی کا ذریعہ بنتی ہے۔ بلکہ ہمارے رشتوں، خاص طور پر ازدواجی تعلقات کو مضبوط اور خوشحال بناتی ہے۔ 

 ۱- واضح مقاصد کا تعین کریں 

زندگی کو بامقصد بنانے کے لیے سب سے پہلا قدم واضح مقاصد کا تعین ہے۔ جو ہمیں درست سمت کی جانب گامزن ہونے میں مدد فراہم کرتے ہیں۔ ازدواجی زندگی میں بھی یہ مقصد محبت، عزت، اور خوشحالی پیدا کرنے کا سبب بنتا ہے۔ 
جب شوہر اور بیوی دونوں مل کر اپنے خوابوں اور اہداف کا تعین کرتے ہیں۔ تو ان کے تعلق میں مزید مضبوطی آتی ہے۔ مثال کے طور پر مستقبل کے اہداف کا تعین کرنا اور بچوں کی بہترین تعلیم و تربیت کو مقصد بنانا، نہ صرف خاندان کو متحد کرتا ہے۔ بلکہ خوشیوں کا ذریعہ بھی بنتا ہے۔ 

۲- متوازن زندگی گزاریں 

زندگی کو بامقصد بنانے کے لیے ضروری ہے کہ ہم متوازن زندگی گزاریں۔ اس کا مطلب یہ ہے کہ اپنی جسمانی، ذہنی، روحانی، اور جذباتی ضروریات کا خیال رکھیں۔ 
ازدواجی زندگی میں توازن تب ممکن ہوتا ہے۔ جب دونوں افراد ایک دوسرے کے جذبات کا احترام کریں۔ اور اپنی زندگی کے مختلف پہلوؤں میں توازن پیدا کریں۔ 

جیسے کام اور خاندان کے درمیان توازن قائم کریں۔ مذہبی اور روحانی عبادات کو اپنی زندگی کا حصہ بنائیں۔ صحت مندانہ طرزِ زندگی اپنائیں تاکہ آپ جسمانی اور ذہنی طور پر مضبوط رہیں۔ محبت اور خلوص کو زندگی کا حصہ بنائیں۔ 

زندگی بامقصد تب ہوتی ہے جب اس میں محبت اور خلوص کا عنصر شامل ہو۔ شادی شدہ زندگی میں محبت اور خلوص وہ بنیاد ہے جو تعلقات کو مضبوط بناتی ہے۔ خلوص اور محبت کے ذریعے نہ صرف ہم اپنے شریک حیات کو خوش رکھتے ہیں بلکہ خود بھی سکون محسوس کرتے ہیں۔ زندگی کا سفر کامیابی سے گزارنے اور ازدواجی زندگی خوشگوار بنانے کے لئے ایک متوازن زندگی گزاریں۔  

۳- شریک حیات کی رائے کو اہمیت دیں 

زندگی کا سفر کامیاب بنانے کے لیے ضروری ہے کہ شریکِ حیات کی رائے کو اہمیت دی جائے۔ ازدواجی زندگی میں دو افراد کی سوچ اور تجربات ایک دوسرے سے مختلف ہو سکتے ہیں۔ لیکن ایک دوسرے کی رائے کو سننا اور اسے اہمیت دینا نہ صرف اعتماد کو بڑھاتا ہے بلکہ تعلقات میں مضبوطی بھی پیدا کرتا ہے۔  

جب آپ شریکِ حیات کی بات کو دل سے سنتے ہیں اور اس پر غور کرتے ہیں۔ تو یہ احساس پیدا ہوتا ہے کہ ان کی موجودگی اور خیالات آپ کے لیے اہم ہیں۔ اس عمل سے زندگی کا سفر نہ صرف خوشگوار ہوتا ہے۔ بلکہ مشکلات میں ایک دوسرے کا ساتھ دینے کا جذبہ بھی پیدا ہوتا ہے۔ یاد رکھیں، کامیاب زندگی وہی ہے جہاں ایک دوسرے کی عزت اور رائے کو جگہ دی جائے۔ 

اس کے علاوہ شریک حیات کو تحائف دینا اور اپنے جذبات کا اظہار کرنا ان کے دل میں آپ کی عزت بڑھاتا ہے۔ تحائف چھوٹے ہوں یا بڑے، یہ محبت اور خلوص کی علامت ہوتے ہیں جو تعلق میں گرم جوشی اور محبت کو بڑھاتے ہیں۔ اس عمل سے شریکِ حیات کو یہ محسوس ہوتا ہے کہ وہ آپ کی زندگی میں خاص مقام رکھتے ہیں اور آپ ان کے جذبات کی قدر کرتے ہیں۔ اسی طرح اپنے احساسات اور محبت کا کھل کر اظہار کرنے سے رشتے میں شفافیت اور اعتماد پیدا ہوتا ہے۔  

یہ چھوٹے چھوٹے اقدامات ایک دوسرے کے دل میں عزت اور محبت کو مزید مضبوط کرتے ہیں اور ازدواجی تعلق کو طویل عرصے تک خوشحال بناتے ہیں۔ یاد رکھیں، زندگی کا سفر تب ہی کامیاب ہوتا ہے جب محبت اور عزت کے ساتھ ایک دوسرے کو خوش رکھنے کی کوشش کی جائے۔ 

۴- مشترکہ اہداف کا تعین کریں 

ایک کامیاب ازدواجی زندگی کے لیے مشترکہ اہداف کا ہونا بہت ضروری ہے۔ جب شادی شدہ جوڑا ایک دوسرے کے ساتھ مل کر اپنی زندگی کے بڑے مقاصد طے کرتا ہے۔ تو ان کا رشتہ مضبوط ہوتا ہے اور ان کی زندگی بامقصد ہو جاتی ہے۔ مثال کے طور پر 

۱- گھر یا گاڑی خریدنے کا خواب 

۲۔ بچوں کی تعلیم و تربیت کی منصوبہ بندی 

۳۔ مالی خوشحالی کے لیے مل کر کام کرنا 

یہ اہداف نہ صرف رشتے کو مستحکم بناتے ہیں بلکہ خاندان کی ترقی میں بھی اہم کردار ادا کرتے ہیں۔ 

۵- صبر اور شکر کا رویہ اپنائیں 

زندگی میں مشکلات اور پریشانیاں آنا فطری ہیں۔ لیکن ان کے ساتھ صبر اور شکر کا رویہ اپنانا ہماری کامیابی کا سبب بنتا ہے۔ ایک بامقصد زندگی میں صبر کرنا ہمیں مشکلات سے لڑنے کی طاقت دیتا ہے۔ اور شکر گزاری کی عادت ہمیں خوشی اور دلی سکون فراہم کرتی ہے۔ ازدواجی زندگی میں یہ اصول اپنانے کے لیے ضروری ہے کہ 

۱۔ اختلافات کو صبر اور حکمت سے حل کریں۔ 

۲- ایک اچھے شریک حیات کے ساتھ اور ان کی خوبیوں پر شکر ادا کریں۔ 

۳- اللہ تعالیٰ کی نعمتوں کو پہچانیں اور ان کا اعتراف کریں۔ 

کامیاب زندگی گزارنے کے لیے یہ اصول نہ صرف ہماری شخصیت کو سنوارتے ہیں۔ بلکہ ہمیں زندگی کے حقیقی مقصد سے روشناس کراتے ہیں۔ زندگی کا سفر مشکلات، تجربات اور کامیابیوں سے بھرا ہوتا ہے۔ اور ان اصولوں پر عمل کرکے ہم نہ صرف خود کو بہتر بنا سکتے ہیں۔ بلکہ دوسروں کے لیے بھی ایک مثبت مثال قائم کر سکتے ہیں۔ ہر قدم پر صبر، استقامت، محبت اور خود اعتمادی کو اپنا شعار بنائیں۔ تاکہ زندگی کا سفر خواہ آپ تنہا گزاریں یا شریک حیات کے ساتھ، خوشگوار، کامیاب اور بامقصد بن جائے۔